Prokuroria e Specializuar në Hagë njoftoi sot se Haxhi Shala dhe Sabit Januzi e kanë pranuar fajësinë për një akuzë për pengim të personave në kryerjen e detyrave zyrtare dhe një akuzë për frikësim gjatë procedurës penale.
Pranimi, sipas Zyrës së Prokurorit të Specializuar (ZPS), u bë në marrëveshje me këtë zyrë.
“Secila nga marrëveshjet për pranimin e fajësisë bazohet në “faktet e pranuara”, me çka të akuzuarit pranojnë se disa fakte të paraqitura në aktakuzë do të vërtetoheshin jashtë dyshimit të arsyeshëm dhe janë të vërteta dhe sakta”, tha ZPS.
Sipas njoftimit, trupi gjykues e ka caktuar seancën për marrëveshjet për pranimin e fajësisë për 18 dhjetor, në orën 09:00.
Ndaj Shalës, ishte konfirmuar aktakuzë në dhjetor të vitit të kaluar. Ai dyshohet për pengim të personave zyrtarë në kryerjen e detyrave zyrtare. Ai ndodhet në qendrën e paraburgimit në Hagë./KosovaPress
Komente
