Angel Di Maria është detyruar të ndërpresë në mes ndeshjen e tij me Paris SG kundër Nantës për shkak se shtëpia e prindërve të tij është sulmuar nga hajdutët.
Rreth minutës së 60 të ndeshjes drejtori sportiv Leonardo thërret trajnerin Pochetino, të cilit i kërkon të zëvendësojë argjentinasin. Trajneri nuk mendohet dy herë dhe pas zëvendësimit së bashku me Di Maria-n largohet në dhomat e zhveshjes ku edhe i shpjegon situatën.
Sigurisht që ai ishte i tronditur, pasi hajdutët kishin thyer shtëpinë ndërkohë që familjarët ishin aty. Gjithsesi pas sqarimit të situatës Di Maria u rikthyer të shihte ndeshjen në minutat e fundit dukshëm me një shqetësim të madh.
Lajmi shokues në fund të ndeshjes ishte se edhe shtëpia e prindërve të Marquinho-s ishte vjedhur nga hajdutët.
Përsa i përket ndeshjes Paris SG e humbi me rezultatin 1-2, por në fund të ndeshjes trajneri Pochetino u shpreh se gjatë pjesës së dytë nuk u fol për futboll, por për atë që ndodhi me futbollistët e tij.
Ne.k./ReportTv.al