Burime pranë Hamasit zbulojnë se ai ka pranuar propozimin për armëpushim të dërguarit amerikan Steve Ëitkoff, por Axios raporton mohimin e këtij lajmi nga ana e tij: “Izraeli ka pranuar armëpushimin e përkohshëm, duhet ta bëjë edhe Hamasi”.
Mediat bëjnë të ditur se është gjithnjë e më e mundur që "presidenti i Shteteve të Bashkuara, Donald Trump, të shpallë një armëpushim në Gaza në ditët në vijim".
Burimet shtuan se "shpallja e Trump do të ndodhë në kuadër të një marrëveshjeje që përfshin edhe lirimin e pengjeve izraelite". Mëngjesin e djeshëm, Trump deklaroi se beson se ka lajme të mira nga Hamasi në lidhje me Gazën:
"Duam të shohim nëse mund të ndalim luftimet atje.Kemi folur me Izraelin dhe duam të shohim nëse mund t’i japim fund kësaj situate sa më shpejt të jetë e mundur".
Ndërkohë, Hamasi shpreh mosbesimin ndaj planit të ri për ndihmat në Gaza, duke e cilësuar si “një mjet të Izraelit për të dobësuar Rripin”. Ndërsa kancelari gjerman Merz ka kritikuar sulmet ajrore të Izraelit, duke thënë se niveli i vuajtjeve që po shkaktohet nuk mund të justifikohet më me luftën kundër Hamasit.
Komente
