Lewis Hamilton, piloti britanik i Formula 1, si dhe tenistja Serena Williams janë të ineteresuar sëbashku për t’u bërë pronarë të Chelsea-s, klubit që ka dalë në shitje për shkak të sanksioneve ndaj rusit Roman Abramovich. Të dy sportistët janë pjesë e grupit të drejtuar nga Martin Broughton, biznesmeni që duket se është gati të blejë Chelsea-n.
Sipas së përditshmes angleze Mirror, piloti anglez, shtatë herë kampion i botës në Formula 1, dhe tenistja amerikane 40-vjeçare, janë të gatshëm të investojnë 10 milionë sterlina secili (12 milionë euro). Ndër të tjera, Hamilton është një tifoz i Arsenal-it.
Broughton është zëvendëspresident i International Airlines Group, kompani që kontrollon British Airëays, Iberia dhe Vueling, por ka patur edhe një të kaluar të shkurtër në futboll. Në 2010-ën, Broughton është emëruar presidenti i Liverpool-it me detyrën për të përshpejtuar shitjën e klubit te pronarët amerikanë. Aktualisht, Chelsea është në duart e qeverisë britanike pas vendimit të kësaj të fundit për të ngrirë pasuritë e Roman Abramovic, pronari i klubit londinez.
Komente
