Lewis Hamilton po vijon me ritëm të frikshëm këtë sezon të formula 1. Piloti i “Mercedes” ka rezultuar tepër I shpejtë ditën e sotme duke fituar edhe Çmimin e Madh të Francës, ç’ka bëri që të shkëputet ndjeshëm nga kundërshtarët e tij.
Në vendin e dytë u rendit piloti tjetër i “Mercedes”, Valterri Bottas, i cili në xhiron e fundit rrezikoi të humbasë pozicionin për shkak të tentativave të Leclerc. Piloti i “Ferrari-t” e mbylli garën në të njëjtin pozicion që e nisi, ne vendin e tretë.
Ndërkohë piloti tjetër i Ferrarit, Sebastian Vettel, i cili u nis nga vendi i 7 arriti që në fund të fitonte vetëm 2 pozicione. Kështu pas 8 garash Ferrari duket plotësisht i dorëzuar pasi të gjithë çmimet e mëdha janë fituar nga Mercedes, 6 nga Hamilton dhe 2 nga Bottas.
Më triumfin në ditën e sotme Hamilton kryeson garën për pilot me 187 pikë, 36 më shumë se Bottas i vendit të dytë dhe 76 më shumë se Vettel i vendit të tretë.
Komente
