Seriali për të ardhmen e Lewis Hamilton vazhdon. Britaniku nuk ka rinovuar kontratën me Mercedes-AMG në Formula 1, por konsiderohet çështje kohe që të shpallet zgjatja e partneritetit për disa vite. Shumë skenarë dhe lajme e lidhën disa herë shtatë herë kampionin e botës me skuderinë Ferrari, qoftë për pozicionin e Charles Leclerc, qoftë si shok skuadre me këtë të fundit.
38-vjeçari britanik ka pranuar se e ka menduar veten te të kuqtë e Ferrarit dhe do të donte të ngiste makinën e skuadrës nga Maranellos. Por ai gjithmonë e ka pasur prioritet Mercedesin, shtëpinë e tij, markën me të cilën ka lidhje gjithë jetën.
Tani raportet që dalin sërish në skenë flasin për një ofertë që Ferrari i ka bërë Hamiltonit. Gazetari italian Leo Turini raportoi se kishte kontakte nga kreu i skuadrës italiane me Hamilton, i cili me mirësjellje refuzoi sërish ofertën e bashkëpunimit.
S.DH/ReportTv.al![](https://www.report-tv.al/template/img/antipiracynote.jpg)