Një ditë pasi u mbyll për shkak se përbënte rrezik për kalimtarët, Autoriteti Rrugor Shqiptar njofton se tashmë lejohet qarkullimi në Mbikalimin e Shkozetit. ARRSH bën të ditur se policia është prezentë për të drejtuar trafikun dhe se nuk ka asnjë rrezik për shembje.
"Autoriteti Rugor Shqiptar ju bën me dije se Mbikalimi i Shkozetit është i hapur për trafikun dhe nuk është në rrezik për qarkullimin e mjeteve. Kontraktori dhe Policia Rrugore është prezente në vend për të drejtuar trafikun", njofton ARRSH.
Qarkullimi i automjete u ndalua më 27 nëntor pasi ka pasur çarje të kolonave të saj anësore edhe pse kishte vetëm 4 vite që është ndërtuar, për shkak të tërmetit që ra mëngjesin e së martës.
Njoftimi i plotë i ARRSH-së
Komento
Komente
