Harroi 3 kg flori në tren, ende pas 8 muajsh autoritetet zvicerane kërkojnë pronarin
Një çantë plot me ar u harrua në Zvicër në një tren midis St. Gallen dhe Lucerne që në muajin tetor të vitit të kaluar.
Por e dini se kush është me e cuditshme në të gjithë historinë?
Që nga ai moment ku valixhja me 3 kg ar brenda që ka vlerë 170 mijë euro nuk është kërkuar ende nga asnjë person tek autoritetet e trenit.
Përpjekjet e autoriteteve zvicerane për të zbuluar pronarin ishin të pasuksesshme. Kjo ishte arsyeja përse një gjë e tillë u bë publike, me shpresën se dikush do të kujtohej.
Sipas legjislacionit zviceran, pronari ka pesë vjet për të paraqitur në prokurorinë e Lucernës kërkesën për të tërhequr sasinë e arit.
Megjithatë është e paqartë se si autoritetet do të verifikojnë pretendimet e secilit që vjen për të kërkuar pronësinë e arit.
