Anira Gjoni, specialiste e IGJEUM, në një intervistë për Report Tv ka thënë se e sotmja do të jetë një ditë me reshje në të gjithë vendin. Kështu që këtë të diel zgjedhjesh do të jetë thuajse e pamundur shkuarja në plazh.
“Plazh sot nuk ka shanse. Presim reshje në të gjithë ditën, madje në disa zona do të ketë edhe reshje intensive, sidomos në qarqet e veriut. Në Tiranë reshjet janë jo problematike por që do të jenë të herëpashershme. Pjesë më e qëndrueshme ndoshta është jugu i vendit, por edhe aty do të ketë reshje”, tha Gjoni, e cila nënvizoi se temperaturat janë normale për kohën.
Moti do të jetë me vranësira mesatare deri të dendura shtresore, të pasura nga reshje shiu me intensitet mesatare në të gjithë vendin.
Temperaturat minimale do të luhaten 11-16 gradë, temperaturat maksimale parashikohen 17 -18°C në veri, 22 -23C në zonën e ulet dhe zonat pranë bregdetit.
Era do të jetë me drejtim Jug-Lindje me shpejtësi 10-15 m/sek dhe dallgëzim të forcës 4- 5 ballë në det të hapur.
