Janë kthyer në një nga problemet më të rënda të shëndetit të njeriut, por te sëmundjet e veshkëve ndikon drejtpërdrejtë stili i të ushqyerit.
Mënyra e ushqyerjes dhe stili i jetës kanë impakt direkt në funksionin e tyre prandaj rekomandohet që të ndiqet një dietë e shëndetshme, e cila në përbërjen e saj ka edhe çajrat bimorë.
Agronomi Zef Gjeta thotë në “Rreze Dielli” se një grup bimësh janë shumë efikase në zvogëlimin e problemeve te veshkat. Krahas frutave të tilla si shalqi, Gjeta thotë se çajrat që përftohen nga bimët janë një kurë e mirë alternative për të kuruar sëmundjet dhe gurët në veshka, duke eleminuar kështu ilaçet e panevojshme.
“Majdanozi është një nga ato bimët shumë të mira që ne e përdorim rrallë, por duhet ta përdorim më tepër. Ne kur përdorim lëng frutash, duhet t’i hedhim dhe perime, majdanoz, spinaq. Majdanozi na ndihmon në përmirësim të klimës së veshkëve e rrugëve urinare. Ka receta të ndryshme me të, e përdorim me limon, mjaltë etj. Xhinxheri është një tjetër produkt që njerëzit i sikletos, por është shumë e mirë për t’u përdorur si çaj për veshkët. Kemi në Shqipëri dëllinja të kuqe dhe të zeza. Është shumë e njohur, mblidhet dhe eksportohet. Si çaj është shumë i mirë dhe efikas për kurimin e gurëve në veshka”, thotë Gjeta.
Por Gjeta ‘zbulon’ edhe një tjetër çaj që lufton sëmundjet e veshkave. Ai thotë se çaji i mustaqeve të misrit është shumë efikas.
Nëse vuani nga sëmundjet e veshkave, përdorimi në dietën tuaj i qershisë mjedrës dhe cajit apo kombinimet e çajrave që përftohet nga to janë po ashtu të këshillueshëm.
Komente
