Një 41-vjeçare është helmuar, pasi ka konsumuar kërpudha në banesën e prindërve te saj, në Devoll.
Mësohet se ngjarja ka ndodhur rreth orës 23:00, ditën e dielë, kur 41-vjeçarja është dërguar në spitalin e Bilishtit për ndihmë mjekësore. Prej aty, ajo u dërgua në spitalin rajonal të Korçës, ku ndodhet në gjendje të rëndë shëndetësore, e shtruar në reanimacion.
Policia thotë se 41-vjecarja ka konsumuar kërpudha në banesën e prindërve te saj.
Nga ana tjetër burimet konfirmojnë se kërpudhat nuk ishin të blera por të mbledhura në natyrë, të cilat konsumoheshin edhe nga familjarët e tjerë, por si duket vetëm 41-vjeçares i ka krijuar probleme shëndetësore.
Sipas burimeve ajo ndodhet në kujdesin intensiv të mjekëve në spitalin e Korçës. Ndërkohë po kryen të gjitha veprimet për zbardhjen e rrethanave të ngjarjes.
