Kuvendi i Shqipërisë kërkon nga Prokurorisë së Tiranës informacion se ku kanë ngelur hetimet mbi çështjen “CEZ”, për të cilën Kuvendi ngriti një komision hetimor dhe më pas depozitoi kallëzim në prokurori. Sekretari i Përgjithshëm i Kuvendit, Genc Gjoncaj i dërgoi një letër zyrtare drejtueses së kryeprokurores së Tiranës.
“Duke qenë se afati 3 mujor për zgjatjen e afatit të hetimeve i vendosur nga Gjykata ka përfunduar me datë 31.10.2018. Kuvendi i Shqipërisë në cilësinë e palës së interesuar në këtë proces, kërkon të na informoni në lidhje me stadin ku ndodhet hetimi i kësaj çështje, si dhe të na vini në dispozicion kopje, ekstrakte ose vërtetime të akteve të veçanta që dispononi,” shkruhet në kërkesë.
Hetimet mbi çështjen e shumëpërfolur “CEZ”, mbahen peng nga dëshmia e biznesmenit kosovar Nue Kalaj, të cilin policia kosovare nuk po e gjen dot.
