DURRËS-Një sasi lëndë plasëse i është vendosur shtetasit Lulzim Kastrati, me detyrë inspektor policie në Durrës, e cila ka shpërthyer. Burime bëjnë me dije, se makina ka qenë e parkuar para banesës së policit dhe raportohet vetëm për dëme të vogla materiale. Policia njofton se ka shoqëruar disa persona që dyshohen që mund të kenë dijeni për rrethanat e ngjarjes. Sakaq Report Tv ka siguruar edhe pamjet kur i është vendosur lënda plasëse në gomën e parë të makinës, e cila pas shpërthimit fatmirësisht nuk ka pasur dëme në njerëz.
Deri tani nuk dihen motivet e vendosjes së lëndës plasëse, por pritet që hetimet të zbardhin ngjarjen. Lulzim Kastrati kishte vite që punonte si inspektor policie në Durrës.
'Më datë 03.09.2021, rreth orës 06:25, në lagjen nr.17, Durrës, dyshohet se është vendosur dhe ka shpërthyer një sasi e vogël lëndë plasëse në mjetin e parkuar para banesës, në pronësi të shtetasit L. K.,(punonjës policie), nga e cila ka vetëm dëme të vogla materiale. Shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes. Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve.'- njofton policia.
Report Tv ka siguruar pamjet kur një person ende i paidentifikuar, i ka vendosur një sasi lëndë plasëse makinës së efektivit të policisë Lulzim Kastrati në Durrës. Siç shihet edhe nga pamjet, personi vendos lëndën plasëse në gomën e parë të makinës. Lënda plasëse ka shpërthyer, por fatmirësisht nuk ka pasur dëme në njerëz po vetëm dëme materiale.
Makina e shpërthyer me lëndë plasëse mëngjesin e sotëm në Durrës, është në pronësi të Lulzim Kastratit me detyrë inspektor policie në qytetin bregdetar. Fatmirësisht, nga shpërthimi nuk ka pasur të lënduar, por vetëm dëme të vogla materiale. Ndërkohë që ende nuk dihet se kush fshihet pas vendosjes së lëndës plasëse në makinën e policit, megjithatë policia ka shoqëruar disa persona.
Komente
I gezofte letrat.
PërgjigjuDirekt azil ky
Përgjigjuta gezosh azilin polic i dashtun
Përgjigju