Robin Lachhein dhe Judith Schneider, çifti gjerman me origjinë nga Frankfurti, të dashuruar me udhëtimet kanë ndërmarrë një iniciativë të veçantë. Të udhëtonin në vendet ku ishin realizuar filmat më të dashur të tyre dhe të realizonin të njëjtat foto si ata, me të njëjtat veshje dhe poza. Duke bërë kështu që udhëtimet e tyre të jenë të paharrueshme.
Në 2014, ata vizituan Pragën dhe realizuan një foto të "Misionit të pamundur", duke u siguruar që të dokumentonin momentin në kamera.
Gjatë viteve të ardhshme, Lachhein dhe Schneider vizituan shumë vende nga Roma në Islandë, në Neë York dhe madje edhe Utah, duke rikrijuar skena ose xhirime promovuese nga filma si "Thelma dhe Louise", "Lojërat e urisë", "Ha, lutu dhe bëj dashur ", " Djalli vishet me Prada ”si dhe seri televizive si“ Game of Thrones ”dhe“ Doënton Abbey ”.
Në vitin 2018, dyshja hapi një llogari në Instagram, ku ata postojnë vendet e fshehta të cilët vizitojnë dhe fotot e veçanta. Në Instagram ata kanë më shumë se 40,000 ndjekës.
Ata deklarojnë se në fillim shumë nga miqtë e tyre pretendonin se imazhet ishin të bëra më Photoshop dhe u habitën kur mësuan se ata në të vërtetë kishin udhëtuar në vendet e paraqitura në filma, të veshur si personazhet e tyre dhe të bënin fotot në një kënd identik.
Sidoqoftë, rikrijimi i një skene të një filmi ikonik ose skene televizive nuk është aq e thjeshtë sa të bësh një foto. Çifti shpesh duhet të bëjë shumë planifikim në mënyrë që të përcaktojë saktësisht se ku është vendi i paraqitur në sekuencën në të cilin duan të përqendrohen si dhe mënyrën se si të arrijnë atje. Ata ecën me orë të tëra për të arritur në vendin ku vallëzojnë Emma Stone dhe Ryan Gosling në filmin"La La Land", ndërsa fshatarët ishin gati për t'i ndihmuar të gjenin një shkëmb specifik në Zelandën e Re nga filmi aventurë i vitit 2008 "10,000 Para Krishtit ".
Ndërsa të dy punojnë me kohë të plotë, Lachhein dhe Schneider planifikojnë udhëtimet e tyre brenda gjashtë javëve të pushimeve çdo vit. Ata theksojnë se paguajnë për gjithçka vetë dhe nuk fitojnë para nga fotot e tyre.
