Rasti i një mësuesje nga Shkodra na bëri të rimendojmë rëndësinë e të pasurit dashuri dhe pasion për profesionin që ushtrojmë.
Në një intervistë në emisionin “Rreze Dielli” në Report Tv ajo tregoi se ka lënë menjanë pushimet për të realizuar aktivitete mbi leximin e librit me nxënësit e saj. Lindita Lohja është një zonjë e rrallë e cila e bën me kaq pasion punën e saj, sa edhe kohën e lirë ka vendosur t’ia dedikoj profesionit.
“Mendova se mos korrim më shumë sukses me leximin e librave nëse takohemi herë pas here me nxënësit, takimi me mësuesit i bën më impenjativ. Mendova t’i realizoja takimet në ambientet e shkollës por më pas mendova që kjo gjë do t’i rikthejë në shkollë dhe do ta kenë më besdi. Nga një shprehje “ Nëse kam një kopësht dhe një bibliotekë kam gjithçka çfarë më duhet” më lindi ideja ta realizoja në kopshtet e familjeve sepse zona jonë kanë shtëpia private, mendova ta organizoj, të përfshijë dhe komunitetin, edhe nxënësit ta kishin si aktivitet. Përvec librit bëra dhe lojëra që mos ta bëja thjesht për librin, mos të vijnë me besdi. Ideja ishte që ti tërhiqja dhe pash angazhimin e të gjithë prindërve, ishin shumë dakord shumë të kënaqur, në orarin e caktuar i prita tek dera shkollës atëherë u nisëm tek familja mikërpritëse’’ u shpreh mësuese Lindita.
Mësuese Lindita bie dakord me familjet e nxënëese dhe cdo dy javë nxënësit bashkë me mësuesen mblidhen sëbashku për të diskutuar librin që kanë lexuar.
“Gjendet koha, domethënë nuk është se është shumë kohë, një paradite mbildhemi me nxënësit, iu lexoj unë dicka dhe pastaj shkëmbejmë librat” tha ajo.
Ndërsa e pyetur për dashurinë me të cilën ajo e ushtron profesionin e saj u shpreh
"Në fakt zgjedhja ka qenë më tepër e diktuar nga rrethanat nuk është se e kam dashur si profesion, nuk është se e kam ëndërruar për tu bërë mësuese, kam pasur dëshira të tjera por që rrethanat më bënë që të zgjedh mësuesin. Por unë nëse e marr dicka përsipër kam qejf për të dhënë më të mirën. Gjithmonë punoj për të dhënë më të mirën’’ përfundoi ajo.
