Sport

Historike/ Egnatia mposht 2-0 Kukësin dhe fiton Superkupën e Shqipërisë, rrogozhinasit bëjnë ‘tripletë’ trofesh! Largohet Çela (VIDEO)

26 Dhjetor, 21:02| Përditesimi: 27 Dhjetor, 09:28

  • Share

Egnatia është skuadra e dytë në historinë e futbollit shqiptar që fiton tre trofe në një sezon të vetëm. Pasi u shpallën kampion të Superligës në sezonin 2023-24 dhe fituan Kupën e Shqipërisë, e enjtja e 26 dhjetorit 2024 do shkruhet me gërma të arta në qytetin e vogël të Rrogozhinës.

Fitorja 2-0 kundër Kukësit në finalen e luajtur në ‘Arenën Kombëtare’ në Tiranë bëri që rrogozhinasit të jenë kampionët e Superkupës së Shqipërisë për herë të parë në histori.

Serxho Ujka dhe Bakayoko ishin autorët e golave për skuadrën e drejtuar nga Edlir Tetova. Ndërkohë nga ana tjetër për trajnerin Emiljano Çela kjo ishte ndeshja e fundit në pankinën e Kukësit pasi në ditët në vijim ai do zyrtarizohet te Besa po në Kategorinë e Parë.

Ditë historike për Egnatian sa i takon Superkupës, ndërsa ‘tripletën’ më parë e ka bërë Skënderbeu në vitin 2018 ku me Ilir Dajën në stol fituan tre trofetë e futbollit shqiptar.

Për t’u theksuar se fituesi i këtij trofeu nuk merr asnjë shpërblim nga FSHF-ja që është edhe oragnizatore, ndërsa në stadium këtë të enjte nuk kishte më shumë se 800 tifozë.

S.Dh/r.k./ReportTv.al
Komento

Komente

  • Sondazhi i ditës:

    Si ka qene per ju viti 2024?