Peshëngritësja shqiptare Evangjeli Veli ka arritur rezultat historik, duke u shpallur Kampione Europe. Ajo ka fituar medaljen e artë në stilin e shkëputjes dhe në dygarësh për peshën deri në 55 kg në Kampionatin Europian të Peshëngritjes që po zhvillohet në Tiranë.
Veli realizoi të tre provat duke ngritur 91, 93 dhe 95 kilogramë, të cilat i siguruan vendin më të lartë në podium në këtë stil, ndërsa la pas me një kilogram më pak Konotop të Ukrainës dhe Sterck të Belgjikës. Kamila Konotop dhe Nina Sterck ngritën më pas 94 kg dhe peshëngritësja shqiptare u kundërpërgjigj, duke ngritur 95 kg, çka i siguroi medaljen e artë në shkëputje.
Në stilin e shtytjes Veli pasi realizoi provën e parë 108 kg dhe të dytën 111 kg siguroi medaljen, ndërkohë që Konotop e Ukrainës ngriti 113 kg dhe e kaloi në renditjen e përgjithshme. Në dygarësh Veli ka arritur të ngrejë peshën e përgjithshme 208 kg.
Kryeministri Rama dhe ministrja e Sportit, Evis Kushi, kanë uruar Evangjelia Velin për këtë arritje historike.
“Urimet më të mira për sportisten tonë Evangjeli Veli, e cila shkruan historinë me fitoren si kampione absolute e Evropës në sportin e peshëngritjes! Për herë të parë një vajzë shqiptare ngre lart flamurin kuqezi me tre medalje ari, si kampionia e parë femër në peshëngritje”, shkruan Kushi.
Renditja e plotë
Kryetari i Bashkisë së Tiranës Erion Veliaj ka uruar peshëngritësen shqiptare, Evangjeli Veli e cila u shpall kampione europe në stilin e shkëputjes për peshën 55 kg, në Kampionatin Europian që po zhvillohet në Tiranë.
“Urime Evangjeli Veli, kampione e Europës në stilin e shkëputjes. Lajmi i parë i mirë nga Kampionati Evropian i Peshëngritjes, që po zhvillohet te Parku Olimpik i Tiranës. Krenar! – shprehet Veliaj.
Shtangistja shqiptare mori medalje ari në shkëputje dhe dygarësh, kurse në shtytje mori medalje argjendi.
Komente
Urime. Bravo per titullin. SHpresojme t embash formen per Lojrat Olimpike ne Paris.
PërgjigjuBRAVO. KSHU FITOFSH GJITHOMN. LART E MË LART. HERES TJETER KANPOJNE OLIMPIKE EVANGJELI....
Përgjigju