Pas 13 ndeshjesh radhazi pa humbje në Champions, Real Madridi bie 1-0 në transferte ndaj Lille në kuadër të ndeshjes së dytë të fazës së grupit në Ligën e Kampionëve sa i përket formulës së re.
Edon Zhegrova zhvilloi një paraqitje fantastike ndaj Realit, me yllin shqiptar të Kosovës që u zgjodh “Lojtari i Ndeshjes” nga komisioni teknik i UEFA-s, duke spikatur me klasin dhe talentin e tij.
Zhegrova ishte një nga lojtarët më të spikatur të sfidës, duke i hapur probleme të mëdha në krahun e djathtë madrilenëve. Zhegrova fitoi edhe penalltinë, e shndërruar në gol nga francezët.
As Mbappe, Vinicius, Bellingham apo yjet e tjerë të Real Madrid nuk shkëlqyen më shumë se Zhegrova. Sulmuesi i Kosovës bëhet i pari shqiptar që shpallet si më i miri i një ndeshje në Champions League dhe më shumë vlerë këtij vlerësimi i jep kundërshtari përballë.
