Kampionët shqiptarë të Maqedonisë së Veriut, Shkëndija e Tetovës, si dhe kampionët e Kosovës, Drita e Gjilanit do jenë pjesë e grupit të Conference League, duke shënuar një arritje historike.
Në Luksemburg, Drita e Gjilanit fitoi 0-1 kundër vendasve të Differdange në ndeshjen e kthimit play-off të Conference League. Edhe sfidën e parë ekipi i Zekerija Ramadanit e kishte fituar 2-1 dhe kësisoj ia del të marrë për herë të parë një biletë për në sallonin e madh të futbollit evropian. Golin e fitores sot e shënoi Besnik Krasniqi në minutën e 62-të me penallti.
Në Bullgari, situata për Shkëndijën ishte më dramatike në ndeshjen e kthimit play-off të Europa League. Vendasit e Ludogorts fituan 2-1 në kohën e rregull, por me këtë rezultat kishte fituar edhe Shkëndija në sfidën e parë. Kështu ndeshja iu drejtua shtesës, aty ku Ludogorets shënoi edhe dy herë të tjera për rezultatin final 4-1. Goli i vetëm për Shkëndijën që dërgoi ndeshjen në shtesë u shënua nga Tamba në minutën e 64-t. Paçka eliminimit nga Europa League, Shkëndija do vijojë për herë të parë në histori garën në grupin e Conference League.
Nuk është çudi që shorti i nesërm (13:00) t’i vendos Dritën dhe Shkëndijën në një përballje shqiptarësh.
Komente
