HOLANDË- Një avokat i një dëshmitari shtetëror është qëlluar për vdekje jashtë shtëpisë së tij në Amsterdam.
Derk Wiersum, 44 vjeç, ishte avokati i një dëshmitari shtetëror në një çështje kundër anëtarëve të një bande të dhunshme të drogës, të cilët akuzohen për pesë vrasje midis 2015 dhe 2017.
Sipas BBC, avokatin e qëlloi një i dyshuar i veshur me kapuç, i cili pas vrasjes u largua me këmbë.
Shefi i policisë Erik Akerboom u shpreh: "Me këtë vrasje brutale është kapërcyer një kufiri, tani njerëzit thjesht duke bërë punën e tyre nuk janë më të sigurt".
Jan Struijs, pjesë e sindikatës së policisë NPB tha se krimi i organizuar ka marrë plotësisht kontrollin. Ai tha se Hollanda ishte shndërruar në një "narko shtet".
Ministri i Drejtësisë Ferd Grapperhaus e quajti vrasjen një sulm ndaj sundimit tonë të ligjit.
Gjatë vrasjes, bashkë me të ishin edhe dy fëmijët.
Komente
