Aktorja e njohur amerikane Diahann Caroll ka ndërruar jetë në moshën 84-vjeçare.
Sipas "People", ylli i serialit "Julia" u diagnostifikua me kancer gjiri që prej vitit 1990.
Menaxheri i saj ka konfirmuar vdekjen në shtëpinë e saj në Los Angeles, në krah të së bijës Suzanne.
Carol Diahann Johnson e filloi karrierën në moshën 15- vjeçare, duke modeluar për revistën Essence, por zemra e saj ishte tek interpretimi.
"Unë gjithmonë e dija se duhej të bëja diçka që të isha para një audiencë", është shprehur Carroll për "People" në vitin 2008.
Në 1974, Carroll u nominua për Oskar me çmimin "Aktorja më e Mirë" për rolin e saj në "Claudine".
Në vitin 1983, ajo ishte aktorja e parë me ngjyrë që zëvendësoi një aktore të bardhë në një rol dramatik në Broadway në "Agnes of God".
Aktorja ishte personi i parë me ngjyrë që shkëlqeu në një shfaqje për lançimin e një marke sapuni.
Në vitin 1986, ajo shkroi një autobiografi "Diahann!" me Ross Firestone.
Komente
