Kur e përcollën disa muaj më parë në Letoni, familjarët e Klodian Tanushit nuk e kishin menduar kurrë, se ajo do të ishte hera e fundit që po e takonin. Të veshur me të zeza, mes lotëve dhe dhimbjeve, ata dolën sot për të pritur në aeroport trupin e tij të pajetë, në një arkivol të mbuluar me flamurin kombëtar, në një ceremoni të denjë për një "Dëshmor të Kombit".
Pranë familjes, të pranishëm ishin edhe ministrja e Mbrojtjes Olta Xhaçka, zëvendësministri Petro Koçi, shefi i Shtabit të Përgjithshëm të FA, gjeneral brigade Bardhyl Kollçaku, kolegë ushtarakë nga të gjitha forcat, si dhe familjarët e dëshmorit të atdheut. Sot ministrja Xhaçka u ka dorëzuar edhe dekoratën e 'Dëshmorit të Kombit'.
VIDEO\Mbërritja e trupit të major Klodian Tanushit
Pasi u përcoll me nderimet më të larta ushtarake nga kolegët e tij, trupi i pajetë i Tanushit mbërriti me të njëjtin avion ushtarak si nëntetarja Zarife Hasanaj në Aeroportin “Nënë Tereza”. Homazhet për nder të tij dhe ceremonia shtetërore do të zhvillohet ditën e enjte tek Muzeu Historik Kombëtar. Majori do të prehet në paqe në "Varrezat e Dëshmorëve", pranë dëshmorëve të tjerë.
Tanushi nuk mundi që t'i mbijetonte plagëve të marra si pasojë e shpërthimit të një mine gjatë misionit në Letoni. Ai ishte i shtruar në spitalin e Rigës në gjendje të rëndë, e ndërsa u nda nga jeta mbrëmjen e së premtes më 10 maj. Majori la pas bashkëshorten dhe tre fëmijë, më të voglin vetëm një vjeç.
Sekretari amerikan i Mbrojtjes, Patrick Shanahan, ka dhënë një mesazh ngushëllues për ministrem e Mbrojtjes, Olta Xhaçka për dy humbjet e ushtarakëve në Letoni.
Shanahan ka thënë se në zitë për humbjen e Nëntetares Hasanaj dhe Major Tanushit bashkohet edhe Amerika. Më pas Shanahan i ka uruar shërim të shpejtë edhe Rreshter Kapajt i cili mbeti i plagosur nga shpërthimi i minës që u mori jetën Nëntetare Hasanajt dhe MAjor Tanushit.
"Pranoni ngushëllimet e mia të thella për vdekjen tragjike të nëntetare Hasanajt dhe major Tanushit. Mbajmë zi për humbjen e tyre dhe ndajmë dhimbjen me Shqipërinë. Humbja e tyre, një kujtesë e dhimbshme për rrezikun me të cilin përballen ushtarët tanë ndërsa mbrojnë lirinë. Ngushëllimet më të thella familjeve të Nëntetares Hasanaj dhe Major Tanushit. I urojmë shërim të shpejtë Rreshter Kapajt. Vlerësojmë aleancën tuaj dhe nderojmë kujtimin e heronjve tuaj të rënë." thuhet në mesazhin e Patrick Shanahan.
Ministrja e Mbrojtjes, Olta Xhaçka ditën e sotme me anë të një statusi në rrjetet sociale ka shpërndarë një video teksa njofton se Forcat Tokësore e Shqipërisë nderon komandantin e rënë në krye të detyrës në Letoni, major Klodian Tanushi.
" Forca Tokësore nderon komandantin e kontingjentit shqiptar në NATO enhanced Forward Presence Battle Group Latvia, major Klodian Tanushi, i cili ra në krye të detyrës gjatë misionit të NATO-s." shkruan minstrja Xhaçka.
Komisioni Qendror i Statutit “Dëshmor i Atdheut”, nën drejtimin e ministres së Mbrojtjes Olta Xhaçka, ka shpallur major Klodian Tanushin, “Dëshmor i Atdheut”.
Ndërkohë njoftohet se homazhet në nder të "Dëshmorit të Atdheut", do të zhvillohen në mjediset e Muzeut Historik Kombëtar në Tiranë, nga ora 10:00-12:00.
Më pas, po në mjediset e Muzeut, do të mbahet ceremonia shtetërore në nder major Klodian Tanushit, përpara se arkivoli i mbuluar me flamurin kombëtar të vendoset në shtrat topi dhe të përcillet në Varrezat e Dëshmorëve.
Dita e nesërme, datë 16 maj 2019 është shpallur, ditë zie kombëtare në nder të major Klodian Tanushit i cili ra në krye të detyrës pas shpërthimit të një mine në Letoni. Mina që shpërtheu së bashku me Tanushin i mori jetën edhe nëntetares Zarife Hasanaj.
Në nder të major Tanushit, komandant i kontingjentit shqiptar në Letoni, ditën e enjte, në të gjitha institucionet publike e private, flamuri kombëtar do të ulet në gjysmështizë.
Ka mbërritur në atdhe trupi i pajetë i major Klodian Tanushit. Për të pritur trupin e major Tanushit, në Aeroportin “Nënë Tereza” kanë dalë ministrja e Mbrojtjes Olta Xhaçka, shefi i Shtabit të Përgjithshëm të FA, gjeneral brigade Bardhyl Kollçaku, zëvendësministri Petro Koçi, kolegë ushtarakë nga të gjitha forcat dhe familjarët e të ndjerit. Ditën e sotme, ministrja Xhaçka u ka dorëzuar familjarëve të majorit dekoratën dëshmorët e kombit.
Komandanti i kontingjentit shqiptar në Letoni, major Klodian Tanushi, i rënë në krye të detyrës në misionin e NATO në vendin baltik, u përcoll me nderimet më të larta ushtarake nga kolegët e tij.
Efektivë të nëntë vendeve pjesëmarrëse në misionin "Enhanced Forward Presence”, përfshirë Letoninë, përcollën në Aeroportin e Rigës arkivolin e mbuluar me flamurin kombëtar, me trupin e major Tanushit, i cili do të transportohet me avion ushtarak në atdhe.
Komente
Te qofte i lehte dheu. Shpresoj qe familja te trajtohet ai duhet ekonomokisht. Ka lene gruan me femijet e vegjel. Shume gjynah
Përgjigju