Olga, e reja nga Italia e cila kishte humbur kontaktet me familjen nga Shqipëria ndodhet aktualisht në Spitalin Psikiatrik e shtruar. Sipas konstatimeve ka pasur edhe më parë probleme të shëndetit mendor.
Burime për Report Tv bëjnë me dije se, e reja pasi ka konsumuar alkool ka manifestuar situata jo të këndshme të cilat janë konstatuar nga policia, e cila menjëherë ka thirrur urgjencën.
Në Tiranë ajo ka qenë bashkë me një shoqe, të akomoduara në një hotel në zonën e Astirit, "Deluxe Hotel Tirana". E shoqja i ka kontaktuar disa herë në celular, nuk është përgjigjur dhe më pas është nisur drejt Italisë e vetme.
Prej mesditës së djeshme, 27-vjeçarja ndodhet nën kujdesin e mjekëve, në gjendje të mirë dhe në momentin që do vijë familjarët ajo do të dalë nga spitali.
Më herët ajo kishte humbur dokumentet dhe telefonin ndaj familja nuk ishte lidhur dot me të.
Humbja e 27-vjeçares nga Italia u bë e ditur përmes rrjeteve sociale nga e ëma Arianna Lombardo Moderini Meriggi, e cila njoftoi se Olga ishte me pushime në Tiranë dhe po qëndronte në zonën e Astirit.
Sipas Ariannës, Olga duhej të ishte kthyer në vendin fqinj të dielën në mbrëmje, por një gjë e tillë nuk ka ndodhur, pasi për asnjë moment nuk është paraqitur në Rinas për t’u nisur për në Itali.
E reja nga Italia, e cila kishte humbur kontaktet me familjen nga Shqipëria, ka qenë bashkë me një shoqe, të akomoduara në një hotel në zonën e Astirit, "Deluxe Hotel Tirana".
Mësohet se shoqja e saj pasi e ka kontaktuar disa herë në celular 27-vjeçaren, e cila nuk është përgjigjur është nisur drejt Italisë e vetme.
E reja nga Italia u gjet pas njoftimit të familjarëve të saj, të cilët kishin humbur kontaktet me vajzën. Aktualisht ajo ndodhet në Spitalin Psikiatrik e shtruar, për shkak se nuk është ndjerë mirë pasi ka konsumuar alkool.
