Humori shqiptar në zi! Ndahet nga jeta në moshën 80-vjeçare mjeshtri i madh i skenës Gëzim Kruja. Ai u shua sot paradite, ndërsa lajmi është konfirmuar nga familja. Gjendja e tij ka qenë e rënduar, ndërsa kohët e fundit e kishte të pamundur të fliste për shkak të sëmundjes. Dalja e tij e fundit për mediat ishte në festën e 80-vjetorit të lindjes në dhjetor të vitit të kaluar, që miqtë e teatrit i organizuan. Vepra e fundit që ngjiti në skenë Gëzim Krujën ishte në vitin 2018.
Edhe pse ai i dha shumë artit dhe buzëqeshje në çdo shtëpi, fatkeqësisht koronavirusi i pengon shqiptarët, specivikisht shkodranët, që t'i japin lumtumirën ashtu siç Kruja e meriton. Aktori i njohur do të përcillet në banesën e fundit vetëm nga familja e tij, për shkak të masave të rrepta të ndërmarra për të parandaluar përhapjen e COVID-19.
Humoristi shkodran lindi në 4 dhjetor 1939. Gëzim Kruja karrierën humoristike e nisi që në moshën 13-vjeçare. Fillimet me estradën amatore nisën që në kohën kur ishte ushtar më 1958. Më pas vazhdoi aktivizimin në vitin 1960 me estradën profesioniste të Shkodrës. Gëzim Kruja mbaroi në vitin 1979 Institutin e Lartë Pedagogjik, dega e Gjuhës dhe Letërsisë në Shkodër.
Ai kaloi një jetë në skenën shkodrane të humorit, ku spikati me rolet e tij të shumta. Gëzim Kruja shkroi 15 komedi, 10 recitate, 2 libra me monologë gazmor, ndërsa interpretoi mbi një mijë role në skeçe të ndryshme në 52 vite. Në vitin 2004 mori titullin “Krenaria e Qytetit”, ndërsa një vit më pas “Naim Frashëri i Artë” dhe në 2010 “Mjeshtër i Madh”.
Kreu i Partisë Demokratike, Lulzim Basha ka shprehur ngushëllimet për ndarjen nga jeta të aktorit të humorit Gëzim Kruja. Basha tha se Kruja u fali buzëqeshje popullit në ditë të vështira dhe nuk do të harrohet kurrë nga shqiptarët.
'Me hidhërim mësova lajmin e ndarjes nga jeta të Gëzim Krujës, artistit të madh shkodran të humorit që na fali buzëqeshje në ditë të vështira, e sot me dhimbje duhet t'i themi lamtumirë. Njerëz si ai mbesin përjetë mes nesh me dhuntinë për të na vënë buzagaz e për të parë më të mirën edhe në kohë vështirësish e sprovash. Ngushëllime familjes Kruja, miqve dhe kolegëve të tij artistë. U prehtë në paqe!", shkruan Basha
Për aktorin dhe regjisorin Bruno Shllaku, Gëzim Kruja ishte një perëndi. "Është një datë e keqe për humorin mbarë shqiptar. Ikën nga froni një perëndi, që për dekada me radhë dha atë që vështirë mund ta kishin dhënë të tjerët. Ai ngelet një shkollë e madhe, një virtyt, një dashuri për publikun dhe artin. Ai fron do të mbetet për shumë vite i pazëvendësueshëm për shumë vite. Ai ishte një personazh i dashur që nga fëmijët në kopshte deri te pensionistët që ishin në orët e fundit dhe që qeshnin me humorin e Gëzim Krujës. Unë kam pasur privilegj të punoj me Gëzimin në disa komedi. Gjithmonë merrja çmime kur Gëzim Kruja ishte në role". Shllaku kujton edhe vitin 2018 kur me regji të tij Kruja u ngjit në skenë për herë të fundit. "Nuk më kishte shkuar në mendje kurrë, por jeta kjo është. Ai e mbylli, e finalizoi jetën. Ai e mbylli përballë shkodranëve si radhë herë me duartrokitje sikur donte të thoshte se....' tha ai.
Lajm trishtues e cilëson Presidenti Ilir Meta ndarjen nga jeta të aktorit të madh Gëzim Kruja. "Ndarja nga jeta e Mjeshtrit të Madh të skenës dhe humorit, Gëzim Kruja është një lajm trishtues. Me talentin e spikatur, Gëzim Kruja do të mbahet mend si një prej figurave më të dashura të artit shqiptar, që falë personazheve karakteristike të interpretuara mjeshtërisht u duartrokit nga shumë breza, duke lënë pas një trashëgimi të vyer artistike. I shpreh ngushëllimet më të sinqerta familjes Kruja, të afërmve, të gjithë artdashësve dhe qytetarëve të mrekullueshëm të Shkodrës, për këtë humbje të pazëvendësueshme' shkruan Ilir Meta.
Aktorja e mirënjohur nga Shkodra Zyliha Miloti, një nga bashkëpunëtoret e Gëzim Krujës shpreh trishtimin për largimin e tij nga jeta. Në një lidhje telefonike për Report Tv, aktorja thotë se po ikën një brez i mrekullueshëm. "Sapo morëm vesh humbjen e një artisti të madh, jo vetëm shkodran, por të gjithë Shqipërisë. Nuk ka pak minuta që fola me djalin e Gëzimit, është një humbje e madhe. Deri para një viti ka qenë i fortë, por humbje e madhe. Unë desha të ngushëlloj edhe familjet e tjera që kanë humbur të afërmit, situata është e vështirë. Por kjo e Gëzimit na ka prekur të gjithëve, më vjen keq, sepse nuk e meritonte, pasi do të ishte përcjellë me ceremoni të madhe nga të gjithë. Më vjen shumë keq.
Kohët e fundit po më thoshte i vëllai se nuk ka mundësi me ngrënë dhe pak a shumë e kemi pritur. Po na ikën artistët me radhë, një brez i mrekullueshëm. Por Gëzimi ka qenë njeri i mrekullueshëm. Nuk mund të komunikonte, por vetëm me të shkruar dicka. Gëzimi mendonte se në 80-vjetor të bënte edhe një recital, e kishte me qejf por nuk iu realizua. Gëzimi nuk ka qenë vetëm aktor, por edhe ka shkruar shumë bukur. Na vjen keq se nuk mund të marrim pjesë në përcjelljen e tij, ky është kulmi, nuk e ka merituar këtë gjë, por cfarë të bëjmë' tha ajo.
.jpg)
Qytetarët e Shkodrës nuk do të kenë mundësi që të përcjellin Gëzim Krujën për në banesën e fundit sikur e meriton. Lamtumira dhe duartrokitja e fundit do të jetë e pamundur për shkak të koronavirusit dhe situatës që është krijuar, ku ndalohen grumbullimet. Në ceremoninë e varrimit të mjeshtrit të madh do të jetë vetëm familja.
Institucioni i teatrit "Migjeni" në Shkodër, ku Gëzim Kruja ngjiti në skenë qindra role shkruan se mjeshtri do të jetë i përhershëm në skenën e shtëpisë së tij të dytë. "Lamtumirë Mjeshtër! Përulje dhe respekt për kontributin tuaj! Mjeshtri Gëzim Kruja do të jetë i përhershëm në skenën e shtëpisë së tij të dytë. Ngushëllime familjes Kruja nga kolegët dhe gjithë kolektivi i teatrit "Migjeni" shkruhet në postimin e faqes zyrtare.
Drande Xhaj, një nga ikonat e humorit shkodran tregon në një lidhje telefonike për Report Tv pengun e kolosit Gëzim Kruja, që sot paradite u shua. "Me keqardhje para një ore pushoi së rrahuri zemra e mjeshtrit të humorit Gëzim Kruja. Ky është një lajmi trishtë, kontributi dhe karriera e tij ka qenë e shpërndarë në të gjitha viset dhe vendet ku ka shqiptarë. E mora këtë lajm të trishtë me shumë keqardhje. Ai ka qenë një njeri i mrekullueshëm dhe një mësues për mua.
Ai prej disa vitesh vuante nga një sëmundje e rëndë. Hera e fundit që u takuam ishte 80-vjetori, në atë gjendje, por më mirë, se e kemi si kujtim atë ditë. Ai fatkeqësisht nuk e kaloi këtë sëmundje. Gëzim Kruja do të mbetet në historinë e humorit shqiptar dhe do të jetë një nga artistët më të dashur të humorit në Shqipëri. Cilat ishin pengjet e Gëzim Krujës? "Është e vërtetë që në portretin e tij dukej se kishte pengje, një ishte festimi i 80-vjetorit me një premier të re, me materiale të reja. Dhe iku me këtë peng, por ai ka materiale të jashtëzakonshme që do të mbështesin në historinë e humorit shqiptar" tha ajo.
1 / 26
2 / 26
3 / 26
4 / 26
5 / 26
6 / 26
7 / 26
8 / 26
9 / 26
10 / 26
11 / 26
12 / 26
13 / 26
14 / 26
15 / 26
16 / 26
17 / 26
18 / 26
19 / 26
20 / 26
21 / 26
22 / 26
23 / 26
24 / 26
25 / 26
26 / 26
Komente
Gezim Kruja do ngelet ne piedestalin e humorit shqiptar si nje Ikone ku do frumezohen brezat e ardhshem te artisteve. Ngushellime familjes! Pavaresisht rrethanave te izolimit, shkodranet dhe mbare shqiptaret ne orarin e percjelljes artistin e madh duhet ta shoqerojne me duartrokitje nga dritaret apo dyert e shtepive te tyre.
PërgjigjuI pa harruar qofte Gezimi kam shune kujtime me te kollos i humorit Shkodtan
PërgjigjuLamtumire Mjeshter ... qajne malet qan toka qan shqiperia qan shqiptaria per ty .. ikone e shqiperise tone.. me lot ne sy e me thike ne zemer ju jeni ikona qe na keni rrit brez pas brezi ... u prefsh ne paqe
PërgjigjuMe shumë hidhërim e mësova lajmin e trishtë, që sot u largua përgjithnjë nga kjo botë kolosi i humorit shqiptar Gëzim Kruja. Humori shqiptar sot mbeti jetim, pasi me plot gojën mund të thuhet se Gëzim Kruja ishte "Babai i humorit". Ngushëlloj familjen për njeriun e tyre të dashur.
PërgjigjuU prefsh ne paqe Mjeshter I Madh. Aktor i Madh, poet dhe mbi te gjitha 1 njeri i madh qe nder 1 mije role u mundua te percjelle pozitivitet dhe humor ne zemrat e njerezve, nje aftesi qe shume pak e kane. Ngushellime familjes, miqeve, shkodraneve dhe shqiptareve. Po iken vertet nje brez i madh, por ne katrahuren e 30 viteve , nuk po e zevendesojme dot kete brez. Zoti te marrte prane fronit te tij...
PërgjigjuGzimit i past fal allahu xhenetin e ne na past lan nafaken
PërgjigjuGezim Kruja simboli i humorit dhe shpirtit te mrekullueshem .Gezimi do mbetet i pa harruar jo vetem nga shkodranet por nga mbare bota shqiptare ku ai vec i dha dhe mori prej tyre respektin e madh. Do mbetesh i paharruar per te gjithe por sidomos per njerezit e thjeshte dhe fukarenj qe ia ndyshoshe boten shpirterore me humorin tuaj fantastik dhe te pa arritshem .Te qofte dheu i lehte Gezim Kruja
PërgjigjuArtist i pashoq dhe njeri i persosur. Jemi rritur me humorin e tij. Vleresim maksimal dhe keqardhje e thelle. Ngushellime.
PërgjigjuNgushullime familjes, u preft me paqe. R.I.P
PërgjigjuNgushellime familjes, I Madh si artist dhe Bujar si njeri. Qofsh I paharruar Gzim.
PërgjigjuShkelqyshem nga mbeshtetja dhe ndihma e bashkise sone Faleminderit
PërgjigjuNgushellime te sinqerta familjes. Humbje e madhe per qytetin tone te mrekullueshem Shkodren, por edhe per te tan Shqiperine. I pa krahasushem dhe i pa zevendesushem. U prehsh ne paqe MJESHTER.
PërgjigjuTe qofte dheu lehte o Kolos! Ne qe u rritem dhe jetuam me humorin tend do te te kemi pjese tonen perhere! RIP
PërgjigjuU prefsh ne paqe qofshin te paharruar kujtimi dhe humori yt qe na ka shkyer se qeshuri per vite te tera.
Përgjigju