Vizita e Kryeministrit izraelit Benyamin Netanyahu shërbeu që shteti hungarez të marrë një hap mjaft të fuqishëm në arenën ndërkombëtare. Kryeminsitri i saj Viktor Orban njoftoi daljen e vendit të tij nga juridiksioni i Gjykatës Penale të Hagës.
Ajo është kthyer në një gjykatë politike tha Orban në konferencën për shtyp me Netanyahun në Budapest të enjten, 3 prill me qeverinë e tij që ka njoftuar tashmë se do të ndërmarr hapat e mëtejshëm. Vizita e Netanyahut në Budapest solli përplasje mes Hungarisë dhe Gjykatës.
Ndaj kryeministrit të izraelit është lëshuar një urdhër arresti ndërkombëtar nga Haga në muajin nëntor, të cilin duhet ta ekzekutojnë të paktën 125 shtete në botë përfshirë edhe Hungarinë e cila bën pjesë në statutin e Romës që sjell detyrimin e zbatimit të vendimeve të Hagës.
Një zëdhënës i Gjykatës tha se Hungaria së pari ishte e detyruara të arrestonte Netanyahun, ndërsa një reagim I asamblesë së 125 shteteve të statutit të Romës, thotë se vendimi i Hungarisë mbulon me mjegull gjykatën në rrugën për të kërkuar drejtësi të përbashkët.
Zyra e Benyamin Netanyahut ndërkohë u tha mediave se vendimi ishte konsultuar edhe me Donald Trump në një bisedë telefonike ku ka qenë I pranishëm edhe kryeministri izraelit. Vendimi I Viktor Orban thotë Ansa forcon boshtin midis Hungarisë, Shteteve të Bashkuara dhe Izraelit, por çon në një distancim të mëtejshëm të Viktor Orban nga BE-ja dhe nga sundimi i ligjit në bazë të traktateve të komunitetit.
Komente
