Hungaria ka dhuruar 100 mijë maska dhe 5 mijë veshje mbrojtëse mjekësore, në mbështetje të luftës kundër COVID-19. Presidenti Ilir Meta ka publikuar lajmin e mirë duke publikuar një foto nga rrjetet sociale të Ministrit në detyrë për Europën dhe Punët e Jashtme Gent Cakaj dhe pse vet këtë të fundit nuk e ka dekretuar në këtë detyrë. Meta ka falenderuar solidaritetin dhe ndihmën që shteti hungarez ka bërë pë Shqipërinë në këto ditë të vështira. Ka qenë Ministri i Punëve të Jashtme dhe Tregtisë të Hungarisë, Péter Szijjártó i cili ka dhuruar ndihmat gjatë një takimi me ministrin në detyrë për Europën dhe punët e Jashtme Gent Cakaj. Duket se tonet midis kreut të vendit Ilir Meta dhe kryeministrit Edi Rama duket se janë zbutur, pasi dhe më herët presidenti Meta ka publikuar foto të ministrave duke shpërndarë ndihma. COVID-19 e ka bërë më të qetë marrëdhënien qeveri-presidencë.
Lajmi kryesor: