Një 45-vjeçar është arrestuar në Bathore të Kamzës, pasi lëvizte me armë zjarri. Denoncimi për të arrestuarin ka ardhur nga disa qytetarë të zonës të cilët kanë informuar policinë se 45-vjeçari Marjan Nikolli lindur në Shkodër mbante armë zjarri me vete teksa kishte hyrë në ambientet e një lokali në Bathore në rrugën 'Arbëri'. Ai ka qenë nën shoqërinë e dy personave të tjerë, Bardhok Pali edhe Fatmir Keta.
Gjatë kontrollit 45-vjeçarit i janë një armë tip pistoletë dhe 17 fishekë. Nikolli nuk është emër i panjohur për policinë pasi rezulton me precedentë penale për vrasje të mbetur në tentativë. Tani i arrestuari do të përballet me akuzat e prodhimit dhe mbajtjes pa leje të armëve luftarake.
Komento
Komente
