Gjykata e Tiranës ka vendosur të ekstradojë Nitin Mishra, 31-vjecari nga India i cili akuzohet për trafikim të lëndëve markotike dhe ilaçeve. Ai ra në rrjetën e autoriteteve amerikane përmes një agjenti të infiltruar që kishte "porositur" një sasi droge nga Shqipëria, dhe ndërkohë që në dijeninë e tij fliste me porositësin, biseda bëhej në fakt me agjentin e DEA-s amerikane.
DEA shkëmbeu me autoritetet shqiptare informacione për të siguruar të dhëna mbi të cilat u ngritën edhe akuzat. 31-vjeçari dyshohet se nisi trafikun prej nëntorit 2019 duke operuar nga qyteza e lindjes në Indi si dhe e duke menaxhuar disa shpërndarës në SHBA.
Gjatë këtij operacioni në SHBA u bllokuan gati 30 mijë tableta me zolpidemi, lorazepam, tapentadol e të tjera. Kërkesa për ekstradimin e tij, ishte bërë nga Prokuroria, e cila u miratua nga gjyqtari Ardit Mustafaj.
