Juventus mori mbrëmë një fitore minimale 0-1 në “Old Trofford” në ndeshjen e vlefshme për “Champions League”, duke hedhur një hap të sigurtë drejt vendit të parë në grup. Në përfundim të ndeshjes tifozët e skuadrës angleze kanë qenë të mërzitur, por ajo që I ka irrituar më shumë është një foto e Paul Pogba-s. Francezi ka pozuar me Juan Cuadrado-n, ish-shokun e skuadrës te Juventusi, por më shumë se kaq bie në sy se ai është duke qeshur.
Një veprim i përsëritur ky nga Pogba, por me ndryshimin se këtë verë tifozët e “djajve” i janë vërsulur. Kjo jo vetëm për asryen e lartpërmendur, por edhe për dhuratën që mesfushori mban në duar. Çanta e kartonit mban logon e Juventusit dhe tifozët dyshojnë se në të ka një kontratë për Pogba-n. Në fakt përgjatë verës kur ishte edhe merkato e verës është përfolur për një rikthim të mundshëm të francezit te “zonja e vjetër”.
Kanë mjaftuar këto arsye që në postimin e Cuadrados tifozët e United të shkruajnë për Pogba: “Ky është problem i United në këtë moment. Sapo kanë humbur një ndeshje në shtëpi, por janë gjithë janë të lumtur dhe përqafojnë shokët.”
“Çfarë ka në atë çantë që mbanPogba? Ndoshta një kontratë?”-shkruan një tjetër tifoz.
“Çfarë ka për të qeshur këtu?”-lexohet në një koment tjetër.
“Fotoja është kujtim, me shokun e ekipit dhe me kontratën e sapo marrë.”
Dy futbollistët, Paul Pogba dhe Juan Cuadrado
Komente
