Një i ri është arrestuar nga policia e Tiranës për shpërndarje të lëndëve narkotike. Ndonëse ishte në ‘arrest shtëpie’, kjo nuk e ka penguar 32-vjeçari A.K nga Tirana që të shpërndarjë doza me lëndë narkotike canabis sativa.
32-vjeçari është kapur në flagrancë nga shërbimet e Policisë, në vendin e quajtur "Kodër Shkretë", me doza me lëndë narkotike cannabis sativa.
Nga veprimet hetimore ka rezultuar se pasi siguronte sasi të konsiderueshme të lëndës narkotike cannabis sativa, 32-vjeçari e shiste më pas atë, në doza të vogla, kryesisht në zonën e Vaqarrit dhe të Kombinatit.
Gjithashtu, nga veprimet hetimore ka rezultuar se ky shtetas ka shkelur masën e sigurisë “Arrest në shtëpi”, të caktuar nga Gjykata, për veprën penale “Prodhimi dhe shitja e narkotikëve”.
Gjatë kontrollit fizik dhe kontrollit të banesës të shtetasit A. K., shërbimet e Policisë gjetën dhe sekuestruan, në cilësinë e provës materiale, sasi lënde të dyshuar narkotike të llojit cannabis sativa.
Materialet i kaluan Prokurorisë së Shkallës së Parë të Rrethit Gjyqësor Tiranë, për veprime të mëtejshme procedurale, për veprat penale "Prodhimi dhe shitja e narkotikëve" dhe "Largimi i të burgosurit nga vendi i qëndrimit".
