Parlamenti i Kosovës ka zgjedhur anëtarin më të ri të gjykatës kushtetuese Radomir Laban të votuar me 71 vota si përfaqësues i komunitetit serb në Kosovë.
Sipas, autoriteteve në Serbi, Radomir Laban është dënuar në vitin 2012 me gjashte vjet heqje lirie, si pjesë e një grupi të akuzuar për kontrabandë në miliona euro.
Radimir Laban, ishte propozuar për postin e anëtarit të Gjykatës Kushtetuese nga Lista Serbe, që është subjekti kryesor politik i serbëve të Kosovës. Zyrtarët e kësaj liste nuk e kanë komentuar situatën e krijuar pas votimit, që nxori në shesh edhe të kaluarën e të propozuarit të tyre, raporton VoA.
Reagime të ashpra ka pasur organizatat për të drejtat e njeriut në Kosove , të cilat kanë dënuar qëndrimin e parlamentit në Kosovë, për serbin i cili iu shmang dënimit për korrupsion.