Një gazetar di të tregojë gjithnjë profesionalizmin e tij. Kështu ka ndodhur me gazetarin neozelandez, Lloyd Burr, gazetar i televizionit “Newshub Europe”.
Gjithçka ndodhi pas ndeshjes mes Anglisë dhe Kroacisë, kur Burr po raportonte nga një “pub” plot me tifozë anglezë, të cilët ishin të zhgënjyer dhe të zemëruar pas eliminimit të “Tre Luanëve” në gjysmëfinale.
Në momentin që Lloyd Burr po raportonte live atë çfarë ndodhi gjatë ndeshjes, një tifoz i hodhi birrë në fytyrë, por gazetari vijoi punën e tij, pavarësisht asaj që i ndodhi.
Por pak çaste më vonë, ai u detyrua të ndërpresë lidhjen e tij të drejtpërdrejtë me studion televizive, për shkak të ndërhyrjes së një tifozi tjetër.
Komento