DIBËR- Një ngjarje e rëndë, tronditëse është regjistruar në Peshkopi, ku një 58-vjeçari i ka hedhur acid në fytyrë ish-gruas së tij.
Gruaja ka marrë dëme të konsiderueshme në fytyrë, e ndërsa 58-vjeçari i identifikuar si Agim Kaleci, banues në Peshkopi është vënë në pranga.
Nuk dihen të tjera detaje nga kjo ngjarje makabër apo shkaku i kësaj ngjarjeje, edhe pse nuk ka asnjë motiv që justifikon këtë krim të rëndë.
“Dibër. I hodhi lëndë djegëse (acid) në fytyrë ish-bashkëshortes, vihet në pranga 58-vjeçari. Nga Specialistët për Hetimin e Krimit në Komisariatin e Policisë Dibër u bë arrestimi në flagrancë i shtetasit A. K., 58 vjeç, banues në Peshkopi, pasi i ka hedhur lëndë djegëse (acid), në fytyrë duke i shkaktuar dëmtime ish bashkëshortes së tij”, njofton Policia.
