Alban Mollaymeri, i arrestuar pas skandalit me “Toyota Yaris”, pasi rezultoi të ishte porositësi i makinës të ngarkuar me 3.4 milionë euro, u shoqërua nga policia e Burgjeve drejt banesës së tij, për shkak se i kishte vdekur babai.
Mollaymeri, ju drejtua prokurorëve të Krimeve të Rënda, duke kërkuar prej këtyre të fundit që të lejonin për dy orë daljen e tij nga ambientet e paraburgimit ku ndodhet aktualisht, për shkakun e vetëm marrjen pjesë në ceremoninë mortore të babait të tij. Kërkesa e Alban Mollaymerit, është pranuar nga dy prokurorët e çështjes, të cilët autorizuan administratën e burgut 313 në Tiranë, që të shoqëronte në banesë Mollaymerin.
Ky i fundit është shoqëruar me eskortë policie gjatë kohës kur ndodhej jashtë qelisë. Alban Mollaymeri ishte pronari i një servisi makinash në zonën e bregut të lumit në Tiranë, por u arrestua pasi rezultoi se ishte pikërisht ai që kishte porositur makinat “Toyota Yaris” me 3.4 milionë euro nga Gjermania.
Komente
Me siguri ka fut BALLEN mik qe I DHANE leje
Përgjigju