Gjykata Administrative ka rrëzuar Ministrinë e Brendshme për turkun Selami Simsek, të cilit pak kohë më parë i refuzoi azilin. Gjykata Administrative rrëzoi vendimin e Ministrisë së Brendshme për mos dhënien e azilit për Selami Simsek. Avokati mbrojtës i Selami Simsek, Elton Hyseni, tha për Report Tv se do të aplikojnë sërish për azil.
Simsek pretendoi se persekutohej nga shteti turk, për shkak se familjarët e të tij janë dënuar si mbështetës të klerikut Fehtullah Gylen.
Shtetasit turk Selami Simsek iu refuzua kërkesa për azil nga autoritet shqiptare dhe më konkretisht nga Drejtoria e Azilit dhe Shtetësisë, në Ministrinë e Brendshme, pasi pretendimet e tij janë cilësuar si 'abuzive' dhe 'dukshëm të pabazuara'.
Selami Simsek është arrestuar më 8 korrik 2019 teksa nëpërmjet aeroportit të Rinasit ai tentonte të largohej jashtë vendit me destinacion Kanadanë. Atij iu sekuestrua pasaporta false e cila e çoi në pranga, ndërsa të njëjtin fat pasi dhe shoku i tij Harun Celik i cili u deportua me një procedurë ende me shumë pikëpyetje.
