Zvicër- Një 24-vjeçar shqiptar përfundoi në pranga në Lugano të Zvicrës, nën akuzën për trafik të drogave të rënda, teksa cilësohet si një njeri i rëndësishëm në rrjetin kriminal dhe që bënte transportin e ngarkesave të mëdha të kokainës.
Arrestimi i komunikuar nga Ministria Publike dhe Policia Kantonale, u bë në kuadër të një hetimi të kryer në bashkëpunim me shërbimet antidrogë të Policisë së qytetit të Luganos.
24-vjeçari u ndalua brenda banesës ku ndodhej. Nga kontrolli i kryer u gjetën rreth 120 gramë kokainë dhe disa mijëra franga cash, informon media italiane.
Krimet ndaj tij janë shkelje të rënda të Ligjit Federal për Narkotikët, si dhe shkelje të Ligjit Federal për të Huajt. Hetimi është i koordinuar nga prokurorja publike Margherita Lanzillo, teksa po thellohen hetimet për të çmontuar organizatën kriminale ku bënte pjesë.
Komente
