Paratë e falsifikuara që iu sekuestruan 37-vjeçarit ,në cilësinë e provës materiale

Kronikë
Top 24

I sekuestrohen në flagrancë mbi 20 mijë euro të falsifikuara, arrestohet 37-vjeçari

Një 37-vjeçar nga Kavaja, është arrestuar këtë të mërkurë në flagrancë për veprën penale "Falsifikim i monedhave" dhe "Riprodhimi pa të drejtë i veprës së tjetrit". Teksa u ndalua duke i dhënë automjetit të tij në rrugën "Sadik Petrela", G.XH. iu gjet dhe iu sekuestrua në cilësinë e provës materiale 20.500 euro të falsifikuara dhe dy aparate celulare.

28 Nëntor 2018, 10:56| Përditesimi: 28 Nëntor 2018, 11:10

  • Share

TIRANË-Një 37-vjeçar  është arrestuar në flagrancë këtë të mërkurë në kuadër të operacionit të koduar "500", për veprën penale “Falsifikim i monedhave” dhe “Riprodhimi pa të drejtë i veprës së tjetrit”. Report Tv raporton se bëhet fjalë për personin me inicialet G.XH., banues në Kavajë.

37-vjeçari u arrestua nga Seksioni për Krimin Ekonomik dhe Financiar në bashkëpunim me Prokurorinë e Rrethit Gjyqësor Tiranë, në sajë të informacioneve të marra në rrugë operative.

G.XH. po lëvizte me automjet në rrugën “Sadik Petrela”, kur u ndalua. Gjatë kontrollit të ushtruar, atij iu sekuestrua  20.500 euro të falsifikuara dhe dy aparate celulare. Materialet proceduriale i kaluan Prokurorisë pranë Gjykatës së Rrethit Gjyqësor Tiranë.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?