DURRËS- Një 51-vjeçar është arrestuar nga policia e Durrësit me qëllim ekstradimi drejt Italisë. Gentian Deda, i ishte i shpallur në kërkim ndërkombëtar pasi ishte dënuar nga gjykata në Milano me 11 vjet, 8 muaj e 15 ditë burg si pjesë e një grupi kriminal për trafik droge.
‘Kapet dhe arrestohet me qëllim ekstradimi drejt Italisë, një tjetër shtetas i shpallur në kërkim ndërkombëtar, i dënuar me 11 vjet, 8 muaj e 15 ditë burg.
Specialistët për Hetimin e Narkotikëve dhe Trafiqeve të Paligjshme, në bashkëpunim me Forcat e Posaçme Operacionale në DVP Durrës dhe Interpol Tirana, në vijim të punës për kapjen e personave të shpallur në kërkim, bazuar dhe në informacionet e siguruar në rrugë operative, kanë bërë të mundur lokalizimin, kapjen dhe arrestimin e përkohshëm, me qëllim ekstradimi drejt Italisë, të shtetasit të shpallur në kërkim ndërkombëtar:
Gentian Deda, 51 vjeç, banues në lagjen nr. 4, Durrës. Gjykata e Milanos, Itali, e ka dënuar këtë shtetas me 11 vjet, 8 muaj e 15 ditë burg për veprën penale "Grup kriminal me qëllim trafikimin e lëndëve narkotike", parashikuar nga Kodi Penal i Italisë. Interpol Tirana vijon punën për ekstradimin e këtij shtetasi drejt Italisë.’- njofton policia.
Gentian Deda
