Itali-Një 31-vjeçar shqiptar i shpallur në kërkim nga Gjermania për vjedhje prone është arrestuar në Itali.
Shqiptari u ndalua të premten e 1 nëntorit në kontrollin e pasaportave në aeroportin “Valerio Catullo” në Verona, menjëherë pas mbërritjes nga Tirana.
Gjatë kontrolleve rutinë të dokumentave, policia gjeti një urdhër arresti evropian të lëshuar nga autoritetet e Hamburgut kundër 31-vjeçarit.
Ai dyshohet se ka qenë i përfshirë në një organizatë kriminale të specializuar në vjedhjet me banesa.
Pas arrestimit shqiptari u transferua në burgun e Veronës, ku pritet edhe vendimi i Gjykatës.
Komento
