Disa persona të papërgjegjshëm i kanë vënë zjarrin një grumbulli mbeturinash në përroin e fshatit Halil të Fushë-Krujës, por flakët janë përhapur duke rrezikuar edhe banesat përreth.
Sipas zjarrfikësve të Krujës përhapja e zjarrit është favorizuar nga era e fortë dhe shkurret e ndodhura afër përroit. Zjarrfikësja e Krujës ndodhet në vendngjarje dhe po mundohet të lokalizojë e të shuajë flakët.
Zjarrvënie të tilla janë bërë modë në rrethin e Krujës dhe pavarësisht se piromania dënohet me ligj, asnjë person nuk është proceduar penalisht për këto zjarrvënie të cilat përpos rrezikut që shkaktojnë kanë edhe një kosto të konsiderueshme.
Komento
