Ngjarja e rëndë në Zelandën e Re në mars të vitit 2019 solli vdekjen e 51 personave dhe plagosi shumë të tjerë.
Terroristi Brenton Tuarant duke transmetuar live në rrjetin social, hyri në një xhami dhe qëlloi me armë këdo që gjente përpara.
Viktima më e re e sulmit ishte 3 vjeçari Mucaad Ibrahim. Në gjyqin e organizuar babai i 3 vjeçarit i tha sulmuesit se “drejtësia e vërtetë” e pret atë në jetën tjetër dhe do të jetë shumë më e vështirë se burgu.
"Ju vratë djalin tim, dhe për mua është si të keni vrarë tërë Zelandën e Re. Dije që drejtësia e vërtetë të pret në jetën tjetër dhe do të jetë shumë më e vështirë. Unë kurrë nuk do të të fal për atë që ke bërë", tha Aden Ibrahim Diriye në një deklaratë të lexuar nga një anëtar i familjes në seancën ndaj Tuarant.
Sulmuesi Brenton Tuarant, një 29-vjeçar australian, do të dënohet këtë javë pasi u deklarua fajtor për 51 akuza për vrasje, 40 akuza për vrasje në tentativë dhe një akuzë të terrorizëm në sulmin në qytetin e Christchurch, të cilin e shfaqi dhe live në Facebook.
Aktgjykimi mund të jepet të enjten.
Në Zelandën e Re, dënimi më i shkurtër është dhjetë vjet, dhe një gjykatë, për një vepër si ajo e Tuarant, mund të urdhërojë burgim të përjetshëm, pa mundësinë e faljes.
Të mbijetuarit dhe familjet e viktimave janë duke kërkuar ndëshkimin më të ashpër për Taurant.
