Gjykata e Tiranës ka lënë në qeli 28-vjeçarin Franci Alimi, i cili akuzohet për vënien e tritolit në një lokal pranë gjimnazit "Petro Nini Luarasi" në të gdhirë të mëngjesit të së enjtes kryeqytet.
Gjyqtari Bedri Qori vendosi masën e arrestit me burg deri në përfundim të hetimeve.
Gazetari i Report TV Arsen Rusta mëson se 28-vjeçari Franci Alimi vinte tritol me porosi grupet kriminale në Tiranë, por prej 4 ditësh i riu refuzon të flasë se për llogari të kujt e ka vënë tritolin, ndërkohë që telefoni dhe Facebook i të riut janë duke u verifikuar nga Antiterrori.
Sipas Policisë Franci Alimi është person me precedentë të theksuar kriminalë dhe i dënuar më parë me 2 vjet burg për veprën penale “Prodhim dhe shitje të narkotikëve” dhe i arrestuar për veprën penale “Vjedhje".
