Igumenicë- Është arrestuar ditën e sotme i shumëkërkuari shqiptar Edmond Bego, 48-vjeç. Bego po kthehej nga pushimet në Korfuz dhe nëpërmjet Igumenicës do kalonte në Shqipëri. Arrestimi është kryer nga policia e Igumenicës, në bashkëpunim me sektorin e kontrollit të pasaportave të Sajadhës.
Bego kishte ndryshuar emrin në dokumentet e tij nga Edmond në Mondi Bega dhe me këtë identitet kishte kaluar nga Shqipëria drejt Korfuzit, bëjnë me dije burime për Shqiptarja.com. Bego është një person i shpallur në kërkim nga autoritetet italiane si pjesëmarrës në një organizatë kriminale për trafik kokaine dhe heroine.
Por kush është Mond Bego dhe pse konsiderohet si një i shumëkërkuar nga Policia?
Ish-drejtori i klubit të Futbollit të Lushnjes njihet si mik i Aldo Bares ndërkohë që është dënuar nga drejtësia italiane për trafik lëndësh narkotike të kryer më shumë se një herë. Bego ka qenë për një periudhë kohore edhe president i klubit lushnjar. Policia shqiptare e ka arrestuar disa herë Begon për trafik dhe shitje droge.
Komente
