Inspektorati i Lartë i Drejtësisë ka nisur hetimin disiplinor ndaj drejtuesit të Prokurorisë Sarandë Kledian Llaho i cili është pezulluar nga detyra nga GJKKO me kërkesë të SPAK pasi po hetohet nga struktura e posaçme.
Përmes një njoftimi për mediat bëhet me dije se raporti i Inspektorit të Lartë të Drejtësisë konkludon se sjellja dhe veprimet e magjistratit Kledian Llaho përbëjnë “Shkelje të rëndë disiplinore” dhe i propozon KLP-së:
1- Caktimin e masës disiplinore “Ulje e përkohshme e pagës në masën 40% për një periudhë 1 vjeçare” për shkeljen disiplinore.
2- Propozimin e masës disiplinore plotësuese “Largimi nga detyra e kryetarit”.
1 muaj më parë Prokuroria e Posaçme Kundër Korrupsionit dhe Krimit të Organizuar nisi hetimet për veprën penale “Korrupsioni pasiv i gjyqtarëve, prokurorëve dhe funksionarëve të tjerë në drejtësisë”, ndaj kreut të Prokurorisë së Sarandës, Kledian Llaho.
ILD kishte konstatuar gjatë verifikimeve pas ankesave qytetare, shkelje të rënda nga prokurori, që cenonin figurën e magjistratit dhe institucionit. Një prej shkeljeve ishte edhe favorizimi i vjehrrit të tij, ndërsa kishte pasur ankesa për sjelljen edhe ndaj kolegëve magjistratë.
Komente
