Imam Bajalldi - Patëllxhanë të mbushur
Përbërësit:
- 4 patëllxhanë mesatarë
- 4-5 qepë të mëdha
- 4 thelpinj hudhër
- 4 domate të pjekura
- 1 tufë majdanoz i freskët
- 1 lugë çaji sheqer
- Kripë, piper i zi sipas shijes
- Vaj ulliri ( rreth ½ filxhan)
- Lëng limoni (opsional)
Përgatitja:
Qërojmë pjesërisht (në shirita vertikale) patëllxhanët dhe bëjmë një të çarë në mes pa i prerë deri në fund. I kriposim dhe i lëmë në ujë me kripë për 30 minuta që të nxjerrin hidhësinë. Më pas i shpëlajmë mirë dhe i fërgojmë lehtë në vaj ulliri derisa të zbuten pak dhe të marrin ngjyrë. I vendosim në një tavë pjekjeje. Në një tigan kaurdisim qepët me hudhrat në zjarr të ulët derisa të bëhen të buta dhe të karamelizuara (15-20 minuta). Shtojmë domatet, sheqerin, kripën, piperin dhe i lëmë të ziejnë për 10 minuta derisa të avullojë lëngu. Në fund shtojmë majdanozin dhe i përziejmë. Mbushim patëllxhanët në mes me masën me qepë e domate, hedhim mbi ta pak vaj ulliri dhe pak ujë në tavë. Mbulojmë tavën me letër alumini dhe e vendosim në furrë në 180°C për 40-45 minuta.
Komente
