Garda Kombëtare Amerikane është duke u vendosur në kufirin me Meksikë, pas urdhrit të presidentit Donald Trump, për të ndihmuar në frenimin e imigracionit të paligjshëm.
Shtetet që kanë filluar vendosjen e Gardës Kombëtare janë Arizona, Nju Meksika dhe Teksasi.
I vetmi shtet kufitar është Kalifornia, që udhëhiqet nga guvernatori demokratik Jerry Brown, i cili nuk ka njoftuar nëse trupat nga Garda Kombëtare do të vendosen në kufi.
Trump tha javën e kaluar se dëshiron të dërgojë 2000 deri në 4000 anëtarë të Gardës Kombëtare në kufi, për të penguar siç ka thënë “paligjshmërinë që vazhdon në kufirin tonë jugor”.
Vendosja e Gardës Kombëtare bëhet për të ndalur emigracionin e paligjshëm dhe kontrabandimin e narkotikëve.
Kjo nuk është hera e parë që SHBA vendos Gardën Kombëtare në kufi, për të ndalur veprimtaritë e paligjshme.