ITALI- Vetëm dy vjet pas shembjes së urës Morandi në Genova është inauguruar ura e re, e konsideruar si urë e rilindjes. Ura u ndërtua sipër rrënojave të Ponte Morandi, e shembur në 14 gusht 2018 e shkaktoi vdekjen e 43 personave mes tyre dhe dy shqiptarë.
Ura e re e projektuar nga arkitekti Renzo Piano, do të quhet "Genova San Giorgio" dhe do të jetë e hapur për trafikun nga data 5 gusht. Gjatë ceremonisë së inagurimit, Presidenti i Republikës Sergio Mattarella që u takua me të afërmit e viktimave. Ndërkohë që të afërmit e viktimave theksojnë se nuk ka asgjë për të festuar.
Aksidenti sipas të dhënave të siguruara nga hetimet kishte ardhur si pasojë e keqmenaxhimit dhe mirëmbajtjes së dobët dhe u bë shkaktar i një konflikti të gjatë mes qeverisë dhe autoritetit të mirëmbajtjes së rrugëve.
Për kryetarin e Genovas Marco Buçi, shembja dhe rindërtimi i urës përbëjnë një shembull të dështimeve për dekada të tëra në infrastrukturën e transportit në Itali dhe një demonstrim të asaj që vendi është i aftë të arrijë.
Komente
