TIRANË- Në GJKKO u mbajt seanca për ish-ministrin e Mjedisit, Lefter Koka për çështjen e inceneratorit të Tiranës. Avokati Maksim Sota ka kërkuar pafajësi për ish-ministrin, ndërsa seanca e radhës është lënë më 28 mars, ku do të vijohet me mbrojtjen e të tjerëve.
“Kërkojmë pafajësi për akuzën e shpërdorimit të detyrës, nuk ka vepër penale, kemi dhe dokumentet për sëmundjet që vuan i mbrojturi prej meje, qe të kihen parasysh në rast se shpallet fajtor”, tha avokati.
SPAK kërkoi seancën e kaluar 4 vite burg për Lefter Koken, por nëse shpallet fajtor ish-ministri do të përfitojë uljen e 1/3 se dënimit duke zbritur ne 2 vite e 8 muaj heqje lirie.
Për çfarë akuzohen nga SPAK
SPAK i akuzon 12 të pandehurit për veprime të kundërligjshme në procedurën e lidhjes së kontratës së koncesionit të gushtit 2017, me objekt “Ndërtim landfilli, inceneratori dhe rehabilitimi i vend depozitimeve ekzistuese, Tiranë ”. Kontrata u lidh mes Ministrisë së Mjedisit dhe shoqërisë “Integrated Energy B.V SPV” sh.p.k., me kosto investimi të parashikuar nga shoqëria, në vlerën 128.2 milionë Euro pa TVSH.
Sipas SPAK para nisjes së procedurave 7 anëtarët e komisionit të dhënies së koncesionit në bashkëpunim me ish-ministrin Koka, kanë propozuar dhënien e burnusit pa një raport të kostove të projektit. Nga ish ministri Koka, drejtoresha juridike Alba Thoma e përgjegjësi i prokurimeve Bledar Karoli u bë dhe u dërgua projektvendimi në Këshillin e Ministrave për dhënien e bonusit prej 8% të pikëve totale të garës shoqërisë propozuese.
Nga hetimet ka rezultuar se shoqëria propozuese “Integrated Energy BV”, në përbërje të së cilës është aksionere edhe shoqëria e biznesmenit Klodian Zoto, “Integrated Technology Services”, ka qenë në dijeni të rrethanave konkuruese para se të shpallej procedura. Prokuroria thotë se kjo ka ndodhur në sajë të ndihmës së dhënë nga vetë funksionarët e Ministrisë së Mjedisit, që e kanë pajisur me dokumentacionin e nevojshëm që duhej të dorëzonte para dhe gjatë procedurës koncesionare, me qëllim shpalljen fitues të kësaj shoqërie.
Komente
