Një vajzë nga Kosova është bërë nënë për herë të parë në moshën 14-vjeçare. E mitura me origjinë nga fshati Uglar i Komunës së Gjilanit ka sjellë në jetë fëmijën e ngjizur nga marrëdhënia që kishte me djalin e dajës, i cili është 16-vjeç.
Mediat lokale shkruajnë se foshnja është braktisur në spitalin ku erdhi në jetë më datë 24 nëntor të këtij viti. Sipas “Insajder”, 14-vjeçarja ka lindur në Spitalin Rajonal të Gjilanit. Rastin e ka konfirmuar edhe Policia e Kosovës për rajonin e Gjilanit.
Ndërsa Spitali Rajonal i Gjilanit ka konfirmuar se foshnja do të vazhdojë të qëndrojë në spital për shkak se është ende me terapi. Ky nuk është rasi i vetëm kur të miturat shqiptare bëhen nëna, pasi vetëm pak ditë më parë një vajzë me origjinë nga Elbasani dhe e martuar në Gjakovë ka sjellë në jetë fëmijën e saj të parë në moshën 13-vjeçare.
Komente
