Ministria e Mbrojtjes e Rusisë njofton se ka interceptuar dhe survejuar një avion zbulues amerikan Poseidon P-8A, i cili po shkonte drejt hapësirës ajrore ruse në Detin e Zi.
Po sipas Ministrisë ruse, një aeroplan luftarak Sukhoi Su-27, si pjesë e mbrojtjes ajrore ruse, u lëshua drejt objektivit dhe e ndoqi për disa minuta lëvizjet e tij.
Paskësaj, Poseidoni amerikan P-8A, ndërroi drejtim duke u larguar nga kufiri rus.
Sipas Ministrisë ruse të Mbrojtjes, "fluturimi i Su-27 rus ishte në përputhje të plotë me rregullat ndërkombëtare për përdorimin e hapësirës ajrore".
P-8A Poseidon është një avion patrullimi, i cili së bashku me një kontigjent të marinsave të SHBA, ishte pjesë e një stërvitjet detare në Detin e Zi.
Departamenti i Mbrojtjes i SHBA ende nuk e ka konfirmuar lajmin e incidentit.
Komente
